බිංදු බිංදු රන්තරු කැට කඩා හැලෙනවා
පුංචි පුතා මගෙ තුරුළේ සුවට නිදනවා
රන් හඳ විත් ඈත අහසෙ එබිලා බලනවා
රන්කිරි වැනි නුඹේ මුවින් සිනහ ගලනවා
සිහින මවන නුඹෙ නෙතු කැට හෙමින් ගැහෙනවා
ඒ තාලෙට නුඹෙ මුවින් වදන් මැවෙනවා
හඳ මාමා එබී බලා නුඹ සනසනවා
මගේ පුතා මගෙ තුරුළේ සුවට නිදනවා
නිදි දෙව්දුව ලගට වෙලා සිනහ නගනවා
මගේ පුතුගෙ නුවන් මතට පවන් සලනවා
සිගිති දෙතොල් එකට සැලී රහස් කියනවා
මගේ පුතා මගෙ තුරුළේ සුවට නිදනවා...
