මිතුරානෙනි ඔබට නිවන් සුව !!!!!!!!!!

විසි පස් අවුරුද්දක් පුරාවට
ජීවන මහ සයුර මැද
තනිව කරපින්නා ගත් ජීවිතය සමග
මහා රළ සමග උරෙන් උර ගැටී
ගෙවා දැමූ ජීවිතය
මරුවාට බිලි වුයේ කෙසේද
විවාහය නැමැති සුන්දරම සිතුවිල්ලක පැටලි
තම පෙම්වතිය අත හැර
තනිව ගමනක් යන්නට සැරසෙන නුඹ කොතරම් රුදුරුද
එන්න නැවත එක් වරක්
අප නිසා නොව
දිවි මගක අතරමන් උන
පෙම්වතිය නිසාවෙන්
අයදිමි සැමගෙන්ම නුඹට යළි ජීවය දෙන මෙන්
එක වරක් දෑස් ඇර බලනු මැන
සොවින් වැලපෙන නුඹේම සොයුරන් වෙත
යන ගමන නවතාලිය නොහැකි බව දනිමි
පතන්නට එක දෙයක් ඇත
උපදින මතු භවයෙත් අපි අතරම ඉද
ඉක්මන් නිවන් සුව හැර නුඹ වෙනුවෙන්
අසරණ මම කුමක් අයදිම්ද?????

නෙතු පියන් ඉන්න හැකි නම්

නෙතු පියන් ඉන්න හැකි නම්
නුඹෙ තුරුලට තවත් ලං වී
සද හිරුත් නැති
අහසෙ තරු නැති
ලොවක් උව කම් නැත
ඉන්න හැකි නම් නුඹට ලං වී

ගලන ගං දිය සිදී තිබුනත්
පිපාසය නැත සිතට දැනුනේ
නුඹගෙ තුරුලේ සිටිය මොහොතක්
කෙලස කිව මැන අතැර යන්නේ

තුරු මුදුන් මල් පිපී තිබුනත්
සියොත් නෑ අද ගී ගයන්නේ
හමන සුලගක් ගතට දැනුනත්
සිසිලසක් නෑ මගෙ සිතට දැනුනේ

තව වරක් මට එන්න හැකි නම්
නුඹෙ තුරුලට තවත් ලං වී
ලොවම අහිමිව ගියත් මට නම්
එයම ඇති මිය යන්න සැනසී

වෙසගේ සිරි අසිරි

පුන් සද නැතත් වෙසගේ මහ රෑ අහසේ
බැලුමට ගියයි වෙසගේ සිරි සිත්සේ
මහ මග ඇවිද බැලුවයි අසිරිය වෙසගේ
දුටුවේ වෙසක් නොව අමුතුම සිරි වෙ​සගේ

සිල්ගත් ගැහුණු සුදු ඇදුමින් සැරසීලා
රසනැති දානෙ ගැන පවසයි වට වීලා
උන්ගේ මොල වලට මැටි ඇත පිරවීලා
ඒ ගැන කියන්නට මගෙ පද මදි වීලා

සුපිරිම වාහනය වහලය ඇරගෙන ආවා
එහි පිටි පස්සෙ කෙල්ලන් දෙදෙනෙක් දුටුවා
එකෙකුගෙ උඩු ඇදුම ගලවා විසි කෙරුවා
අපි නන් හොදට ඇගෙ අම්මව සිහි කෙරුවා

​ඇදලා ඩෙනිම එය ඉහලට නමලා
සුදු දිග සාය එය ඇත ඉන තෙක් පලලා
උඩු කය නිරුවතින් පන්සලෙ දන වැටිලා
කාටද වදින්නේ මේ හැටි පේ වීලා

කොල්ලන් උවත් මහ මග හැසිරෙන්නේ
උමතුව අයාලේ ගිය උන් වැන්නේ
යම ලොම යම පල්ලො මේ විදිහට එන්නේ
කොල්ලන් උවත් කොල්ලන් දැයි සැක හිතුනේ

ගෙදරට තියන හොදම ඇදුම තෝරාලා
අම්මත් එක්ක ඇය එයි හුරතල් වීලා
කොල්ලෙකු සොයා ගැනුමට අරමුණ වීලා
වෙසගේ සිරි බලන්නට ඇය ඇත පැමිණිලා

වෙසක් පුන් පොහෝ දින ගෙදරට බොරු කියලා
ඔහු එන්නේයෙ මිතුරන් හා එක් වීලා
කෙල්ලන් එක්ක බොරුවට හුරතල් වීලා
ඔහුගේ අරමුණත් කෙල්ලකු ගැනුමට හොයලා

කැරකෙන කූඩු මග දෙපසේ තිබුනාට
කෙල්ලන් කැරකීලා ගස්සල යන කලට
බාගෙට ඇදල තොල් රතු කර එන කලට
මරගන රැගුම් පරදී ​මුන්ගේ වැඩ වලට

අප මහ සමිදු මේ බව දැන සිටියා නන්
පස් මහ බැලුම් නොව මේ ගැන සිතුවා නන්
මතු බව දකින නුවනක් ඇති වී තිබුනා නන්
ඉපදී බුදු නොවී සැනසෙනු ඇත නිවනින්

කීමට ඇතත් වෙසගේ සිරි රස කරලා
දෙනතම නිදි බරයි ඒ අසිරිය බලලා
අයිදිමි එක දෙයක් ඔබ සැමටම වැදලා
සංවර ලෙසට හැසිරෙන් තෙමගුල සිහි කරලා

කොල්ලන්ට පමණයි

අද ලියන්න යන දේ කොල්ලන්ට පමණයි. ඒ කිව්වෙ අද මම ලියන්න හදන්නෙ ගැහැණීය ගැන. පෙම්වතිය බිරිද මේ මොන විදිහකට බැලුවත් ගැහැණිය තමයි සතුට. ඒ ගැහැණිය ගැන කෙටියෙන් ටිකක් ලියන්න තමයි හදන්නෙ. දිගට ලිව්වොත් කොටස් කඩන්න වෙන නිසා කෙටියෙන් ලියන්නන්. දිගට ඔනි නන් කියන්න තව පෝස්ට් එකක් දාන්න බැරියැ නෙ.

"ගැහැණියකට තම සැමියාගේ කබාය මත රැදුනු කෙස් ගසක් මීටර් 20 ක දුර සිට පෙනෙන අතර මොටර් රිය නැවැත්වීමට එන විට ගරාජයේ දොර නොපෙනන බව එක්තරා පොතක සදහන් විය"

ගැහැනුන් සහ පිරිමින් වෙනස් ය. සිතුම් පැතුම් අශාවන් සහ හැකියාවන් අතරින්ද ඔවුනොවුන් වෙනස් වෙති. ලිපිය කෙටි කීරිම පිණිස කරුණු වශයෙන් පමණකි දක්වමි.

ගැහැණියට බොරු හදුනා ගැනීම සදහා සහජ ඉවක් පවතී. තම සැමියා/පෙම්වතා බොරුවක් පවසන විට ඇයගේ දෙනෙත් දෙස බලන්න. එය ප්‍රමාණයෙන් විශාල වන අතර බොරුව පවසා යන්නට යන විට ඇය සැක හැර දැන ගැනීමට මෙන් ඔහු පසු පසම පැමිණේ.

අනිකාගේ අදහස් තේරුම් ගැනීමට පිරිමින්ට වඩා වැඩි හැකියාවක් ඇත. උදා* පියකු අත තම දරුවා අඩන විට මේ අම්මා නැති නිසයි හඩන්නේ යනුවෙන් පවසනු විනා පියාට තම දරුවා වටහා ගැනීමේ හැකියාවක් නැත. නමුත් ගැහැණියත් දරුවකු අඩන විට ඒයට හේතුව සහ කල යුතු දේ මැනවින් දනී. එය ඈත යුගයේ සිට පැවත එන්නකි. පිරිමියා දඩයමේ ගොස් කෑම සැපයීම සදහා පරිනාමනය උන අතර ගැහැණිය තම දරුවන් නිවස බලාගැනීම සදහා පරිනාමනය වී ඇත.

ඇස් වලින් යමක් දෙස බැලීමේදී ගැහැණුන්ට පුලුල් ප්‍රදේශයක් පෙනෙන අතර පිරිමින් උමගක් තුලින් මෙන් ඈතට දකිති. ගැහැණුන් පිරිමින් දෙස හොරෙන් බලන අවස්ථාවල පිරිම්නට කලාතුරකින් එය අසු වන්නේ මෙම දර්ශන ප්‍රදේශවල තිබෙන වෙනස් කම නිසාය.

ගැහැණුන්ගේ කන් ඇසීමද පිරිමින්ට වඩා හොදින් සිදුවේ රාත්‍රියේ තම දරුවා හඩන ශබ්ධයට පිරිමියන්ට වඩා ඉක්මනින් ගැහැණිය හදුනා ගනී.

අපි දැන් බලමු ගැහැනියකගේ හිත දිනා ගන්නා ආකාරය.....................

නිතරම ගැහැණියකට සවන් දිය යුතුය. ඇය කථා කරන අවස්ථාවන් වලදී එයට බාදා කිරීමෙන් ඇය පිරිමින් ගැන කලකිරීමට පත්වේ.
ගැහැණියක් පිරිමියකු සමග බොහෝ කථා කරයි නම් එයින් අදහස් වන්නේ ඇය එම පිරිමියා කෙරෙහි ආකර්ශනයක් පවතින බවයි.

ගැහැනුන් නිතරම තම අදහස් ප්‍රකාශ කරන්නේ වක්‍රා කාරයෙනි එය තේරුම් ගැනීමට පිරිමියාට හැකි විය යුතුය එසේ නොවුනහොත් ගැහැණිය දුක් වේ.

මිතුරන් අතර සිටිනවිට තම පෙම්වතියගේ හෝ බිරිදගේ අත අල්ලාගෙන සිටින්න. එය මගින් ඇයතුල පිරිමියා කෙරෙහි වැඩි විශ්වසයක් ඇති වේ.

පෙම්කරන සමයෙහි ලිංගික ඇසුරු කීරීම් සදහා කිසිවිටකත් බලපෑම් නොකල යුතුය. එය මග හැර දෙදෙනාම එකතු වී බොහො වේලා පිළිසරක යෙදී සිටීමෙන් වැඩි ආදරයක් ලබාගත හැක.

ගැහැණුන් ආදරය කිරීමටත් පෙමින් වෙලී සිටිමටත් අධික ලෙස අශාවක් දක්වති.

කිසි විටකත් ගැහැණියක් කථාකරන අවස්ථාවල​දී වෙනත් ක්‍රියාකාරකම් සිදු කිරීමනේ වලකින්න. එවිට ඔබ ඇයට ආදරේ නැතැයි යන සිතුවිල්ල ඇයතුල හට ගනී.

ඇයගේ විසින් කරන හොද ක්‍රියාවන් සහ ඇගේ ලස්සන නිතරම අගයන්න. උදා* අද උයපු කෑම රසයි... ලස්සන ඇදුමක් මේක ඔයාට ලස්සනයි... එවැනි දෑ..

විවාහ උන පසු මසකට දිනක් හෝ රාත්‍රි කෑම සදහා එළි මහන් ප්‍රදේශයකට ගොස් දෙදෙනා කථා කරමින් ගෙවන දිනක්තුල ඇගේ සතුට වැඩි කල හැකි අතර වැඩි ආදරයක්ද පිරිමින්ට ලැබිය හැක.

ලිංගික ආස්වාදය (මේව කියවන පොඩි ළමයි නෑ කියල හිතනව) ගැහැනියට බොහෝ ලිංගිකආස්වාදය ඕනෑය නමුත් ඒ තමා ආදරය කරන තමාගේ සැමියාගෙන් පමණි පෙම්වතාගෙන් එවැන්නක් අපේක්ෂා නොකරයි. පෙම්වතා ලග සීටීමෙන් පමණක් ඇය සෑහීමකට පත්වේ.

අවසාන වශයෙන් නිතරම ගැහැණියකු සතුටු කිරීමට නම්...........

වැළද ගන්න, වර්ණනා කරන්න, සුව පහසු ලෙස හැසිරීමට ඉඩ දෙන්න, ආදරයෙන් අත ගාන්න, ඇල්ම මහත්සේ දක්වන්න, ඇය තම ජීවිතය බව හගවන්න, ඇගේ හැගීම් දැනීම් වටහා ගන්න, ආදර ගී ගයන්න, ඇය අගය කර කථා කරන්න, ඇයගේ කටයුතු සදහා උදවු කරන්න, ඇයගේ වේදනාවන් වලදී සුව පහසුව දෙන්න, ඇය අස්වස්සන්න, තුරුලුකර ගනිමින් තදින් සිප ගන්න, ඇය අනුමත කරන්න, ඇයට ඉතා උතුම් ලෙස ආදරය කරන්න..............

මේ හැම දේමත් කරල තම පෙම්වතිය දාල ගියොත් ඒක ඒ කෙල්ලගෙ පවුකාර කම නිසා වෙන පිං කරපු කෙල්ලෙක්ව හොයගන්න

තව විස්තර තියනව කෙටියෙන් දැම්මෙ කියවන අයටත් වැඩ ඇතිනෙ මේ පීළිබද වැඩිපුර කරුණු ආරියරත්න චන්ද්‍රවංශ මහතා විසින් පරිවර්තනය කරපු "පිරිමි සහ ගැහැනු මෙතරම් වෙනස් ඇයි" කියන පොත කියවල ලබා ගන්න පුලුවන් විවාහ උන අය ඒ පොත බැලුවනන් හොදයි කියල මම හිතනව මේ සමහර කරුණුත් එ පොතේ ඒව තමයි

මේ ලිපිය බැරි වෙලාවත් කෙල්ලෙක් බලලා එයාට හිතුනොත් පිරිමින් ගේ ආදරය දිනා ගන්නෙ කොහොමද කියල දැන ගන්න මට කියන්කො ඒකටත් මොනව හරි කරන්න බැරියැ

කම්මැලි හිරු කුමාරිය

වෙනදාට මටත් පෙර නැගිට ගෙන
සිහින දකිමින් නළියන නෙත් ​දෙකට එබි කම් කරන
නෙතට වද දී ඒ සිහිනෙන් අහැරවන
නපුරු දිලිසෙන හිරු එළිය
අද මද්දහනය උදා වූවත්
මිදුම් සලුව පොරවාගෙන
වළාකුලු කොට්ටයක හිස තියාගෙන
හිරිපොදින් සැදුන සුන්දරම සයනක
තාමත් නිදන හැටි
අප සීතලේ ගැහෙමින් සිටින විට
ඒ දෙස කිසි ලෙසකින් නොබලාම
කම්මැලිකම ඉහටත් උඩින් ගිය
මේ හිරු කුමාරිය නිදන හැටි
කම්මැලි කුමාරියනේ
දැන්වත් පිබිදෙන්න
සීතල පොරවාගත් අපේ සියොලග දැවටී
උණුසුමක සුව දෙන්න
දැන්වත් පිබිදෙන්න

ගෙනත් දෙන්න මට මගෙ සද

සිනා සලන ඔය ඇස් ලග
කථා කරන තොල් පෙති ලග
සමන් පිච්ච සුවද හමන
නුඹ ලග මම සැතපෙන්ද

කඩන් වැටෙන වැහි පොද උඩ

හඩා වැටෙන රළ පෙල ලග

පෙම් කලාට නුඹ මන් වට

නුඹ ඇත ඔහු සමගින් අද

රෑ අහසේ තරු කැට නැත

පෝය උනත් පුර හද නැත

වළාකුලින් හැංගූ සද

ගෙනත් දෙන්න මට මගෙ සද

නුඹ හැර ගියත් මම තාමත් වැලපෙනවා

බලන්න
කවුලුවෙන් නෙතු යොමා
වැහි බිංදු පොළව සිඹින අපූරුව


මගේ හද කුමක් කියන්නේ
නුඹ ලගටම දිව එන්නේ
මල වැහි යටින් මගෙ තුරුලට එන්නේ
මම නුඹ ලගමයි නුඹ තුරුලේ ඉන්නේ

මල් මත වැහි බිදු රග දෙනවා
තුරු මත වැහි බිදු දිලිසෙනවා
මද අදුරින් ලොව වැසි යනවා
නුඹ තව වර මගෙ තුරුලට එනවා

දෙනුවන් කැලුම් උතුරා ඇද හැලෙනා
නලලේ දිය බිංදු දෙකපුල් සිඹ යනවා
දෙතොලම නුඹෙ තෙමිලා දිය පොද පිරිලා
එදිය බිංදු මගෙ දෙතොලින් රස බලනා

නූඹ හැර ගියත් මගෙ හිත දුක් වෙනවා
මම තාමත් නුඹ එනකන් දුක් වෙනවා
නුඹ අද දිනෙත් ඔහු තුරුලෙම සැතපෙනවා
නුඹ හැර ගියත් මම තාමත් වැලපෙනවා

මත් වෙන්න අද හැර වෙන කුමන දවසක්ද ??

එලි මහන් වැරැන්ඩාවක
හොදම මිතුරන් දෙදෙනෙකු සමග
රවුම් මේසයක් වට හිද
අතට ගත් දුඹරු වන් වූ විදුරුව පිරෙන්නට
සුදු පැහැති දේ වක් කර
ඉතිර යන්නා වූ රන් වන් පැහැති විදුරුව
දෙතොලට ලං කර
කොළ පැහැති ඇපල් කැබැල්ලක් ගෙන
දෙතොලින් සුමුදුව හපමින්
වැටෙන වැහි බිදු සියොලගට හිරිකඩ ගෙනෙද්දී
නුඹෙ මතකපිටු රන් වන් විදුරුව තුල දිග හැරෙන විට
අතීත සිහිනයක්තුල තවත්වර සිහිනයක් දකිමින්
වැහි බිංදු රටාවක් නැති තනුවක් මවන විට
තුරු ලතා වල්මත්ව වැනෙන මොහොතක
මල් මතට වැටෙනා වූ දරුණු වැහි බිදු මලින් මල රිදවද්දී
ඒ දෙසම නෙතු අයා ගෙන නිහඩබව රජකරන
තවත් එක් නිමේෂයක
නුඹ ගැනම සිතමින්
මත් වෙන්න සුරාවත් සමග අතීත සිහින පිටු දිගහැර
අද හැර වෙන කුමන දවසක්ද ??

කවි මඩුව ගැන මට හිතුන දේ

ඔන්න ඉතින් කාලෙකට පස්සෙ සද පැටිය ගොඩාක් සතුටින් හිටියා.ඒ වෙන මගුලක් නිසා නෙමේ. ඒ මේ කවි මඩුවක්ද මොකක්ද නිසා. මගේ හිතට කොච්චර සැහැල්ලුද කියනව නන් WTC උඩම තට්ටුවෙ ඉදල බිමට පැනල අත් දෙක වනපුවම ගලදාරි එකේ වහල උඩට පියඹාගෙන යන්න පුලුවන් තරමෙ සැහැල්ලුවක් දැනෙනව මම ඒක කරන්නෑ මොකද මට වහලෙන් බිමට බැහැ ගන්න බැරිවෙයි කියල හිතට බයයි..

ඉතින් ඔය මඩුව ගැන මට හිතුන දේ කියන්න කලින් මට වෙච්ච දේ කියන්න ඔනිනෙ. පසන් බබාගෙ ඇග හැම තැනම කැපුම් පාරවලුයි පොලු පාරවලුයි පිරිල .කවුද දන්නවද මේ අහින්සකයට එහෙම කරේ පොඩ්ඩක් හිටින්නකො කියනකන්.
මගේ අංක එකේ හතුරා තමයි දිල් ​කියන කෙල්ල අර මොනවද මන්ද අහුලන කලු කෙට්ටු කෙල්ල දැන් මතකද? අන්න එයා තමයි ඔයාල දන්නැ එයා මට තුන් පාරක් පිහියෙන් ඇන්නා.. ​

පළවෙනි පාර පාන් කපන පිහියෙන් ඊට පස්සෙ උල් පිහියකින් අන්තිමට මට රම්බෝ පිහියකින් ඇන්නනෙ බොකු බඩවැල් එලියට එන්න. එකි හරි වසයි අපේ ගමේ ඇසිලින් නැන්ද වගේ. හරි දරුනුයි මාත් නිකන් හිටියෙ නෑ වැටේ තිබ්බ වැටමාර කොට්ටක් කඩාගෙන එයාට හොදට තඩි බෑව. ඊට පස්සෙ එයාට මල පැනල කුස්සියට දිව්වනෙ වංගෙඩිය උස්සන් එන්න මට ගහන්න වෙලාවට. ඒ කෙල්ලට ඇගේ හයිය හත්තිය නෑ. අම්මප නැත්තන් ඔකි මාව එතනම මරනව වංගෙඩියෙන් ගහල. පෙර පිනකට මම බේරුනේ. එයා බැරි වෙලාවත් අපේ හිපෝ අක්කගෙ සයිස් උනා නන් ඔයාලට සදගෙ මල ගමට තමා එන්න වෙන්නෙ.

එයාගෙන් බේරුනා කියමුකො ඊට පස්සෙ ආවනෙ ඉලංදාරියෙක් මට තඩි බාන්න දෙකේ හතරෙ පොල්ලකුත් අරගෙන මම දුන්න දෙකක් උඩින් ගිසින් පස්ස බිම ඇනෙන්නම මටත් ඉතින් පාරවල් දෙක තැනක් වැදුනා ඔව මොකද අපි අපිනෙ.

ඊට පස්සෙ අප්පා මහ දරුණු ළමයෙක් හම්බ උනානෙ. දෙයියනේ උගේ සැර කඩුවෙන්මයි කොටන්නෙ. නමනන් මොකක්ද අනුරාධද කොහෙද.එකා මට ගැහුව ගැහිල්ලක් අම්මප මම හිතුව මැරිල වැටෙයි කියල. පුදුම ලේ රත් වීමක්නෙ තියෙන්නෙ. අප්පා මම බේරුන බේරිල්ල දෙයියො බැලුව වගේ.

ඊට පස්සෙ දෙයියනේ කියල ප්‍රේමයක් කරන්න පටන් ගත්ත මඩුව ඇතුලෙදි කොහෙද අර සොබා දහම ඇවිත් ඒකිව උස්සන් ගියානෙ පස්සෙ කියනව මට ආයෙත් භාර ගන්නලු අපි අහුවෙයි ඔවට හූ..... හූ...... මම ගත්තෙ නෑ ඒ බර බාගෙ අපි තාමත් කුලුදුල් හරිද හූ....හූ.....

ඔන්න ඊලගට තමයි සීන් එක අර අපේ හැම වෙලේම නිදන් ඉන්න නංගි අර හීන දකින්නිය ස්වප්නා කියල ලදැරිය හොද ළදැරිය හිටපු ගමන් නින්දෙන් නැගිටල එනව කියපන්කො තඩි මෝල් ගහකුත් උස්සගෙන ඔලුවටමයි ගහන්නෙ සද බබාගෙ තෙල් වල බේරුනේ අනූ නමයෙන් හිටපු ගමන් ඇවිත් මෝල් ගහෙන් ගහල අයෙත් නිදා ගන්නව නරක හීනයක් දැක්කම වෙන්නැති ඇහැරෙන්නෙ පවු අහින්සක එකි මොනව උනත් දුකේ බෑ හීන කියල ඔහොමත් හීන දකිනවද මම අහන්නෙ.

හික්.... හික්.... අපේ හිපෝ පැටිය ආවනෙ අර තනි දතත් ඉස්සරහට දාගෙන මට තඩි බා​න්න.මමත් නිකන් හිටියෙ නෑ දුන්න රිටර්න් එක පැලෙන්නම. ඒත් එයාට නන් ඒක දැනෙන්නැතුව ඇති අලි ඇගනෙ තෙල වැඩිද කොහෙද මටත් ඉතින් පාරවල් දෙක තුනක් වැදිල තිබ්බ තැලුම් පාරවල් ටිකක් අපෙ අම්ම දැකල පෙන්නුවෙ මට ලැජ්ජෑවෙ බෑ ඉතින් මක් කොරන්නද නේ.

ඔන්න දැන් තමයි වීරය බැස්සෙ. ඒ කිව්වෙ අර ඔටුව පිටින් එන සහෘදයා එකා ආවනේ රට ඉදි ගහකුත් එක අතකින් අරගෙන අනිත් අතින් යකඩයකුත් අරගෙන මට කෙලින්න අම්මප මාත් දන්න වැඩ දාල බේරුනා නැත්තන් කෙලියම තමා අහින්සක පාටට හිටියට මොකෝ උගෙ සැර. හපන්නමයි පනින්නෙ. හරි දරුනුයි අප්පා මෙයාල
ඒ ඉතින් හතුරුනො ඊලගට මිතුරො අංක එකේ මිතුරිතමා අර පබලු කියන කෙල්ල අප්පා ඒකිගෙ සැර පබලු හතර අතේ විසි වෙනව කවි ලියද්දි සෙල්ලන් නෑ බට්ට ටගේ හිටියට කවියට හරි දස්සී එකි (වෙන නැත්තන් පුහ්) කොච්චර හොදට දීග කෑවත් ඒ කෙල්ලත් එක්ක හිටපු ගමන් ගහනවනෙ බත් මුට්ටියෙන් ඔලුවට මාත් ඉතින් ඒ වෙලාවට පරිප්පු හැලියෙන් එකිගෙ ඔලුවට ගහල නිකන් ඉන්නව මම කියල වෙන මක්ක කරන්නැයි ඉතින් ආ කියන්න අමතක උනානෙ ඒ කෙල්ලට කවුදෝ මන්ද බොරුවක් කියල ඔසරිය ඇන්දම නිළියක් වගේලු නිළියො දැකල නැති ​කෙනෙක් වෙන්නැති කියල තියෙන්නෙ පවු එයා හිතන් ඉන්නෙ ඒ ඇත්ත කියල පවු ඔහොම මිනිස්සුන්ව රවට්ටන්න හොද නෑ නේපවු අසරණ කෙල්ල කලු උනාට සිරියාවන්ත එකි පවු රවට්ටල දුකේ බෑ

ඊලග මිතුර තමයි සොරෝ අසුපිට නැගගත් අසරුව සොරෝ හික්..... හික්...... මම හිතුව ඒකා ලොකු අයියෙක් කියල මොකෝ නම දැක්කම මතක් වෙන්නෙ නාකි ලොන් හැලිච්ච මූණක්නෙ බැලින්නන් මටත් වැඩිව බාලයි කියහන්කො. ලැජ්ජාවෙ බෑ අයියෙ කියලත් කිව්ව ෂික්.... නවනිංගිරාවයි උනේ.
තව හිටිය අනේ කට්ටිය ඔක්කොම ගැන කියන්න ගියොත් මේ ලියන එක දිග වෙනවනෙ ඒ නිසා කෙටි​යෙන් කියන්නන් නිශාචරය වැප් ඒ වගේ ගොඩක් අය හිටිය මාත් එක්ක රන්ඩු කරල නම කියවුනේ නැති කෙනෙක් හිටියොත් මට සමා වෙන්න හොදේ..
දැන් මේක අහවර කරමු. කියන්නට දේ නන් බෝමයි දැනට ඇති කියවන ඔයාලටත් වෙන වැඩ ඇතිනෙ මම විශේෂයෙන් ස්තූති කරන්න ඔනි ගීත් සහෝට.. මේ වටිනා අදහස ගෙනාවට ගීත් උඹට ඒකට ගොඩාක් පිං ඊලග කෙනා තමයි වැප් සහෝ මට කවි මඩුවට ගොඩ වෙන්න බැරුව ඉන්න (System අවුල් වෙලා)හැම වෙලාවදිම පිහිටට අවෙ එයා තමයි.. ඒකටත් ගොඩක් ස්තූතියි ලාංකීය සිතුවිලි එකටත් ඔන්න ස්තූති කරා මේ වගෙ දෙයක් කර එකට..

මේ ලිපිය ගොඩක් ලොකු උනා හිතේ තියන සතුට කියන්නත් ඔනිනෙ සමා වෙන්න දිග වැඩි උනාට මාව සතුටෙන් තියපු ඔය හැමෝටම පිං මගේ අතින් හිත් රිදීමක් එහෙම උනා නන් සමා වෙන්න හොදේ මම පවුනෙ
මම ගියාවෙ මේ ලිපිය මඩුව ඉවර වෙන්න කලින් ලිව්වෙ නිවාඩු දවස් වලට මට ඇත්තටම නිවාඩුවක් නැතී නිසා පංති යන්න තව වැඩ ගොඩක් තියන නිසා ඒ ගැන අහිතක් හිතන්න එපා හොදේ

මම ගියා එහෙනන් අන්තිමටත් කියන්න තියෙන්නෙ මම නගරේ කොල්ලෙක්....... දෑවැද්ද බලාපොරොත්තුවන.......මහා කලු සිංහලයෙක්.... හූ ....හූ...... මගේ පැත්ත දින්නා හූ ....හූ...... අනිත් අය පරාදයි හොදේ...

විවාහයට තුන් මසක් ගෙවුනු තැන

විවාහයට තුන් මසක් ගෙවී ඇත
කුලුදුල් බිරිද මගේ තුරුලේ නිදන මොහොතක
මහ රෑ උදා වන්නට පෙර මං බලන විට
වදින්නට විය දුරකථනය විටින් විට
හලෝ
පුරා සිවි වසරක ප්‍රේමයක
මුවින් නැගුනා වූ ඒ පුරුදු හඩ
මසිත මත් කරමින් ඇසෙන විට
බිරිදකි මගේ තුරුලේ සැපට නින්දක
සියොලගම කිළිපොලා යන
වෙවුලන මුවින් පිටවන
වචන කැටි කොට දුනිමි පිළිතුරු ඇගේ පැනයට
මට නුඹ මුන ගැසීමට අවසර දෙන්න මොහොතකට
එසේ බැරි නම් නුඹට එනු මැනවි මගේ මල ගමට
නැවතත් නෙත් හැර බැලීමි සිහිනයක් නොවන බව වටහා ගතිමි
අන් දෙයක් කරන්ට සිතක් නැති හෙයින් මම එන බවට පැවසීමි
මහ රෑක බිරිද තනි කොට
යන්නට ගියත් ඇයගෙ වදනට
වෙන අන් මගක් මසිත නැති විට
කැටුව ආවයි ඈව ගෙදරට
බිරිදක් මගේ දකුණු පස
පෙම්වතියයි මගේ ඉදිරිපස
දෙදෙනාට මා මැදිව හිද
අසරණව දෙවියන් යදිමි මම

කවි මඩුවට ගොඩවූ මගේ විලාපය

කවි මඩුවකට ගොඩ වූවයි දුක් විදලා
කවි කාරයෝ බොහොමයි එහි වැහි වැහැලා
කියනා වදන් ඈත මී පැණියෙන් රස කරලා
අයියෝ දෙවියනී මම වේලුනි වලි හොයලා

වලියට කිසිත් නැත මම කලු හන්දා
ඔක්කොම එතන අය එක එක කවි බැන්දා
මම අයිනකට වීලා එහි තනි රැක්කා
ඉන්නට බැරිම තැන පැදුරත් අකුලන් ආවා

අයියෝ දෙවියනී මට උන වියෝයා
පැදුරත් අරන් මම දුවගෙන ගියෝයා
උස්සන් ගිය පැදුර එහි දිග හැරී​යා
මම තනි හින්දා ආපහු දුව ගියෝයා

අයියෝ ගීත් අයියේ නුඹ සිටියා නන්
රවා කොලුව වත් මගෙ තනිකම රැක්කා නන්
බිගු අය්යා රැකියාවේ නොසිටි නන්
කෙලසකවත් මට වෙන්නැහැ මේවා නන්

ඈගේ පැතුම

නුඹ බොන්න
අක්මාව ඉදිමෙන තෙක්
ශරීරය දිරා යන තෙක්
නුඹ මැරී පලයන්
තවත් නුඹ බොන්න
තවත්
තව තවත්
එපා නවතන්න
බී මතින් නුඹ මැරී පලයන්
මක් නිසාද යත්
මට පැවසිය හැක
මගේ පෙම්වතා
බීමතින් මිය ගිය ​හෙයින්
මම අද තනියම


මම ඇයට අදත් ආදරය කරමි
ඒ නිසා අදත්
මද්දහනය උදා වත්ම
මම
ඇගේ සිහිනය
ඉටු කර ඇත
ඇය සතුටු වනු ඇත
මම ????????

සිහිනයෙ අලුත් පිටුවක

සිත තුල හැගුම් හිර කර
නෙත් තුල පැතුම් පොදි බැද
සිහිනයෙ අලුත් පිටුවක
නැවතිලා මගේ දිවියම

ආදරය කරමිද
නැවතත් අහිමි වී යයිද
මේ පෙර ලෙසද
මං උමතු වේවිද

පෙර මං බලමි මොහොතක් ඉදගන්න
නුඹෙ ලගට වී අපි ගැනම විමසන්න
සුන්දර සිතුවිල්ල සිහිනයක් වි යන්න
එපා සිහිනෙන් මාව පුබුදන්න

සිහිනෙන් මැවෙන නුඹෙ රුව
විදිමි වරක් නොව සිය දහස් වර
ජීවිතය මෙය නම් උරුම ලද
එකම දේ සිදු වේවිද යළිත් වර

පෙම් කල සිතම ලං කර ගෙන මම හැඩුවා

සමනොළියකට පෙම් කළ සිත මටත් හොරෙන්
රන්වන් තටු සලා ඈතට ඉගිල ගොසින්
මල මත රැදුනු රොන් තනිවි හැගුම් අරන්
මල් පෙති පවා නොදැනී පර වෙන්න ගිහින්

මල් මත තිබුනු දේදුනු පැහැ බොදව ගොසින්
හුලගට හමා ගිය සුවදත් නැතුව ගිහින්
මගෙ මල් පෙත්තෙ තිබුනා වූ පැහැය අරන්
තව ලස්සන වෙලා පියඹාපන් ලොවට උඩින්

දෑසින් කදුලු සලලා නුඹ අහිමියි කීවා
රන්වන් තටු සලා යන්නට හැදුවා
පෙර දින ලෙසම මම ආයෙත් තනි වූවා
පෙම් කල සිතම ලං කර ගෙන මම හැඩුවා

ඉතින් අවසරයි නෙත් පියන්නට

අවසන් මොහොත පැමිණ ඈත
ජීවිතය නැමති වේදිකාව තුල දිග හැරුනු
නාටකය අවසන් වීමට කාලයයි
තිරය වැසීමට ඔවුනොවුන් පොරකති
අවසන් සුසුම පිළිගැනීමට
මුලු ලොවම නිසලය
ගැලු ගං දිය නිසොල්මන්ය
පිපී හිනැහුන මල්
මගේ තනියට මල් වඩමකට එතෙනු ඇත
වේදනාවන් දොරේගලන නෙත් කෙවෙනි
කදුලින් තෙත්ව ඇත
දුකට නොව
අත්හැර යන්ට කිසිත් නැත
නැවතත් හැරී බැලුවෙමි
පෙර ලෙසමය මා පමණය
දෙකපුල තෙමා රෑටා වැටෙන කදුලු
වේදනාවට නොව නුඹ දකින්නට ඇත්නම්
දෙනුවන පියෙන්නට පෙර එක වතාවක්
බොදවූ දෑස් ඉදිරියෙහි මැවෙම නුඹෙ රුව
වෙවුලන දැගිලි වලින් පිරිමදින්නට වෙර දරමි
වාරු නැත අසරනය තවත් රැදෙන්නට මේ මායාවතුල
කාලය හරස්ව ඇත
ඔහු අත වනයි යන්නට කාලය පැමිණ ඇත
ඉතින් අවසරයි නෙත් පියන්නට

ආදරෙයි මම...... නුඹට පෙර ලෙස

සිහින් සුසිනිදු........
වලා අතරින්
සැගිවිලා ගිය......මගෙ සරා සද
ඇත නොපෙනන.... ඉමව්වක හිද
දේවතාවක්..... ලග නිදනු ඇත//

අයද ලතවුන.... අහිමි ප්‍රේමයේ
ඉරිතලා ගිය..... අහිංසක හද
සැගවිලා නුඹ..... ගෙවන දිවියක
මල් පිපේවා..... නුඹේ ලොවතුල

සිහින් සුසිනිදු //

අහිමිමුත් නුඹ........මගේ දිවියට
නුඹේ ලොවතුල...... මල් පිපෙනු ඇත
එපා කිසිවිට...... පසුතැවෙන්නට
ආදරෙයි මම...... නුඹට පෙර ලෙස

සිහින් සුසිනිදු //

(තනුව හිතේ....දාන්න විදිහක් නැහැ :(... :D )

නැවතත් ඇය තුරුලු විය

මන්දාරම ගොඩ ගලන වෙලාවක
කිසිදා නොපැතූ මොහතක
මගේ දෙනුවන පින් කර ඇතිද මෙතරම්
ඇය යනු දුටිමි
මම ආසම ඇදුමින් සැරසී
අහිංසක මුහුන දකින්නට
පිං කර ඇතිද මා මෙතරම්
දුව ගියෙමි
මේ ඇයමද......
දෙදෙනෙත් අදහා ගත නොහැක
නැවත ඇය පැමිණ ඇත
දෙනෙතින් උතුරා යන
සතුට වවා ගත නොහැකිව
දෙදෙනාම ගොලුය
දෙනුවන දොඩමලුය
මලින් පිරීගිය
වන උයනක්තුල අප තනිවමය
අනන්තය තෙක් සිතුවිලි ගලා එයි
ඇය දෙස බැලූ මොහතක
දෙනුවන් පියා ගත් ඇය
වත ලං කලෙමි
සිඹින්නට ඒ මුහුණ
නැවතත්
මුවින් ඇද හැලෙන සුන්දර සිනහව
ඇය මගේමයි
නැවතත් ඇය මා ලගයි
තුරුලු විය තවත්
දෙතොල ලං කරමි
සිඹින්නට සුසිනිදු දෙතොල



" දඩාස් ".....
මා ඇද වැටුණි
සිහිනයෙන් අවදි විය
නැවතත් ඇද මතට පැමිණි මා
නිදන්නට වීමි..........

සද ලෙඩ වෙලා

අනේ පවු සද පැටියට හොදටම උණ හැදිල හරිම අමාරුයි බදුල්ලෙ මිතුරෙක්ගෙ මැණියන්ගෙ මරණය හේතුවෙන් එහෙ කාලය ගත කරල අද තමයි ගෙදරට පාත් උනේ එහෙදි කොහේදො යන පාහර කූඩැල්ලෙක් මාව කාල මට හොදටම ​උණ හැදිල හරිම අමාරුයිඑකා දන්නෑනෙ ඔය ජා​තියෙ එවුන් මට ඈලජික් කියල ඒකට නන් වැඩිය අමාරු නැහැලු පිස්සු ගතිය පොඩ්ඩක් වැඩි වෙලාලු මාව කාපු නිසා වෙන්නැති නෙ මට අමාරු තිසා කෙටියෙන් කියන්නන් මම දැන් යන්න ඕනි හරි අමාරුයි ඊට කලිව් පොඩි උපදෙසක් දෙන්නන්

තමන්ගෙ මැණියන් හෙද නිළධාරිනියක් නන් උණක් හෙම්බිස්සාවක් හැදුනට ජීඋ​විතේට එයාලට කියන්න එපා අත් දැකිමෙන් කියන්නෙ අද උදේ ඈති උන දෙබසක් කියන්නන්කො

මම :- අම්මෙ මට හොදටම උණ හරිම අමාරුයි
අම්මා :- පැනඩෝල් 2ක් බොන්න
මම :- ඇග හොදටම රිදෙනවනෙ
අම්මා :-- එහෙම තමයි ලෙඩ උනාම දැන් නිදා ගන්න

ඉතින් අසරණ මම නිදා ගත්ත මැරෙන්නැයැ ඉතින් ඔහොම තමයි එයාල ලෙඩක් ගනන් ගන්න නම් මැරෙන්නම යන්න ඔනි අපිනෙ මේ​​කෙ අමාරුව දන්නෙ
කවි ලියන්න අමාරුයි ඒත් පිස්සුව හොදටව වැඩි වෙලා ඉන්නෙ ඒ තිසා පොඩි එඩිට් කරපු කවි ටිකක් දාල යන්නන්

මුලු ගතම ලෙඩ වෙලා
දාඩියෙන් නෑවිලා
කූඩැල්ල නිසා උණ හැදිලා
මම දුක් වෙන්නා

උණ හැදිලා
දුක් විදලා
ඇදටම වී මම ලත වෙන්නා

අනිත් එක

හනික වරෙවු කොල්ලනේ
මෙන්න මෙහෙ වරවු
තොපිට හරිම වාසියක් නට නටා වරෙවු යකෝ
පසන් බබයි නියන්නේ
මගේ සදයි කියන්නෙ

මගේ කකුල කාපු එකා හොයල මරල ගෙනත් දියෝ

වනන්තරේ සොයාපියෝ
ගස් අතරේ සොයා පියෝ
මගේ කකුල කාපු එකා කවුරුන් හරි ගෙනත් දියෝ

අනිත් එක

ගල් ලෙන ​බිදලා
ලෙන් දොර ඈරලා
පැනල ගිහිල්ලා
පර කූඩැල්ලා

කූඩැල්ලා නම් ඔල මොල ගති ඇති
මම මෙන් මුදු නැති

ඈයි කුඩැල්ලො
මාවම කෑ​වේ
කන්නට කවුරුත් නැද්දෝ හිටියේ

අනිත් එක

මඩේ ලගින කූඩැල්ලන් මරල දාමි මං
දුවල ගිහින් කූඩැල්ලව කඩල දාමි මං
චපල උගේ බොටුව කඩා වලදන්නෙමි මං
එහෙම උනොත් නුඹ කියාවි මෝඩ කොල්ල මං

මකුලු දැලෙන්
මකුලු දැලෙන් උව බැදල කෑලි කඩමි මං
දුවල ගිහින් උව මරලා කැලි කපමි මං
එහෙම උනොත් නුඹ කියාවි මෝඩ කොල්ල මං

ඇති අනේ දැන්නන් ආයෙත් අමාරුයි මම කාගෙවත් බොලොග් මේ දවස් වල බැලුවෙ නෑ සනීප උනාම එන්නන්කො එතකන් හැමොම පරිස්සමින් ඉන්න රන්ඩු කරගන්නෙ එහෙම නෑ තේරුනයි

බුදු සරණයි
ටටා