මං බලාගෙන ඉන්නවා...අරමුණක් නැතුවම..

හිතේ පාලුවට..

මුහුද දිහා බලාගෙන හිටියා

ඉර මුහුදේ ගිලෙද්දි

මං බලාගෙන හිටියා..

නුඹ ඇතට යනවලු...

රුවල් නැවකුත් පාවෙනවා පේනවා..

නුඹ ඈතටම යනවලු.. මට ඇහුනා..

මං බලාගෙන හිටියා...

නුඹ යන වග මහ මුහුද කියනවා ඇහෙනවා...

මං වැලි පො‍ළො‍වෙ රූපයක් ඇන්දා..

ඒ නුඹද.. නෑ

නිකං බලිකුරුටුවක් විතරයි..

ජීවිතය නැවතිලා.. හිස් වෙලා..

මං බලාගෙන හිටියා... ඔහේ පාවෙන රුවල් නැව දිහා...

හුලගට රුවල පිම්ඹිලා.. ඈතටම යනවා..

මං බලාගෙන හිටියා..

ඉර බැහැල ගිහින්.. කළුවර වෙලා...

අහස තැඹිලි පාටයි... ඒත් රෑ වෙලා..

මං බලාගෙන හිටියා...

අද දවසත් ගෙවිලා ගියා....මං තාමත් වෙරළ අයිනෙමයි..

ජීවිතය නැවතිලා.. මුහුදු රළ ඇවිත් යනවා..

ආයෙත් එනවා...

මං තාමත් බලාගෙන ඉන්නවා..

අරමුණක් නැතුවම...