මිහිදුම් සළුව වසාගෙනඈත තුරු මතින් ඇදීඑන
සීතල පවන් රැළි රෑනක
එතෙන්නට ඇත්තම් නුඹ සමග තනිවම
පායනා නීල තරු දහසක
වෑහෙනා සඳ කැළුම් අහසක
සතපවා නුඹ සේද යහනක
විදින්නට ඇත්නම් නුඹ සමග තනිවම
රැළි ඇදී යන වෙරළ අද්දර
ගංතෙරක විල් උයන් පත්තුර
හිනැහෙනා නෙතු පියන් අභියස
ඉදින්නට ඇත්තම් නුඹ සමග තනිවම
පිංතූරෙ ගත්තෙ මෙතනින්.. http://julian.35photo.ru/photo_299622/
හ්ම්ම්ම්ම්ම්ම්ම්ම්ම්
ReplyDeleteහිරු ගිලෙන ඈත අහසක ක්ශිතිජය බලාගෙන
ReplyDeleteවෙරළ සිප ගන්න රළ එක්ක ඔහේ ඇවිදන් යන්න
ඔය නෙතු දෙස බලාගෙන මොහොතක් තනි වෙන්න
ආසයි මම නුඹේ ලග ආදරෙන් සැනසෙන්න..
ලස්සන නිර්මාණයක්...
ReplyDeleteඅදයි මේ පැත්තට ඉස්සෙල්ලාම ගොඩ වැදුනේ
සීත පවනේ සි‍සිල උණුසුම්
ReplyDeleteමිහිදුමේ සළු පැලඳි උවනට
ඈත තුරු හිස අනත්තේ සිට
ඇදී එන්නම් ඔබේ සෙවනට
නීල අරනේ වලා යහනක
තරු එළිය පරදනා කිරණක
සැතපිලා ඔය පළල් උර මත
විඳින්නම් ජීවිතේ දිනයක
සිතේ සැනසුම නෙතින් විහිදෙන
අනන්නේ සුන්දර නිමේෂෙක
රැළි නඟා හඬනා සයුරු තෙර
ඔය ළඟයි ඒ නිමේෂෙත් මම
ප/ලි : මොකක්ද බන් ලස්සන කවි ලියලා අපේ කවි සිතුවිලි අවදි කරන්නේ.. මේ වගේ සෝයි කවියකට උත්තර නොබැඳ කොහොමැයි වෙන වැඩක් බලා ගන්නේ
//..හිනැහෙනා නෙතු පියන් අභියස
ReplyDeleteඉදින්නට ඇත්තම් නුඹ සමග තනිවම..//
ලස්සන කවි පෙළක්....