දිනයක නුඹත් හිනැහෙවද මගේ වෙලා

නිල්වන් සේද මල් මුතු ඇඳ සයනපුරා

දෙනුවන මිහිරු සුව වින්දෙමි නිදන තුරා

නිදි නැති යහනෙ තුරුලුව නුඹ නිදනු බලා

පුර සඳ වුවත් දිනකදි යයි හැංගි හොරා

ලස්සන මාල මුතු වැල් අමුණා දවටා

ඔසරිය වටට රන් මල් හවඩිය පළදා

සුදු මල් පොකරු මල් මැද රන් පැහැ කරලා

කැන්ඳන් යන්න බලනෙමි නුඹ මගෙ කරලා

නැතුවට රන් තොරන් බැඳි මග සරසාලා

මග උන් වැට කඩොලු සේරම බිමදාල

සොඳුරිය නුඹව මගෙ මනමාලිය කරලා

දිනයක නුඹත් හිනැහෙවද මගේ වෙලා